SENDIN TAE GUTTER

Mind an scan the ablow wi a gey canny ee afore sendin. Wark that doesnae haud tae these airtins willnae be thocht fir publishin.

Gutter is a magazine o brent-new Scottish an international writin. We hae twa open-windae diets a year, whaur we leuk for verse, fiction scrievin an essays fae writers in an ayont Scotland. 

We leuk for scrieve an verse that braigs, re-imaigines or cowps the status quo; that dings at the boonds o makkins an ettle; that is scancin an bonnie. We haud that braw writin owerloups marches, an we lichtlie ony fause guidements atween literary an genre screivin, heich art an popular culture.

Prevailin contributors are peyed a flat fee o £30 fir wark publisht in the magazine, wi nae heed tae its length or style. Efter publication, authors will forbye be gied a free copy o the nummer.

Please mind: Gutter is makkit by a gey sma team an we get a fair wheen o submeeshuns. The upshot o this is, we dae ettle tae repone tae aabody's wark an gif ye're in luck we'll contact ye suin or syne. Gin ye havenae haed a repone to yer submeeshun in fower month, then gaun yersel – ye're exeemt an free tae send yer wark elsewhaur!

AIRTINS FIR SUBMEESHUN

  • Verse submeeshuns can hae up tae three poems, wi a total nae mair than 100 lines. Please set aa poems intae a single text document.

  • Fiction an essay submeeshuns can run tae outmost 2500 wirds. Please gie us jist ane prose submeeshun per nummer.

  • Wark maun be gied as .docx or .rtf files.

  • Eik yer wark wi the file name format: firstname_surname_fiction, firstname_surname_essay or firstname_surname_poetry.

  • Ill-named files willnae haud tae the machine criteria fir submeeshun an mycht no be read. 

  • Pit yer name an ‘form’ (Fiction, Essay or Poetry) ontae the first page o yer submeeshun.

  • Aa wark maun nivver hae been publisht, naither in print nor online.

  • We dinnae tak submeeshuns that are sent oot tae mair than ane magazine thegither.

  • Nae ‘apologetic apostrophes’ in yer Scots, aye?