Faodar ficsean, bàrdachd agus aistean a chur gu Gutter dà thuras sa bhliadhna, as t-Earrach agus as t-Fhoghar. Bidh sinn a’ coimiseanadh lèirmheasan airson ar làraich-lìn agus ar n-iris chlò-bhuailte air stèidh nas cunbhalaiche.

A’ Sgrìobhadh do Gutter

Leugh am fiosrachadh gu h-ìseal gu cùramach mus cuir thu do chuid obrach thugainn.

Ma tha ùidh agad ann a bhith a’ sgrìobhadh lèirmheasan airson ar làraich-lìn, no aistean breithneachail airson ar n-iris chlò-bhuailte, cuir fios thugainn. ’S e cothroman pàighte a tha seo, agus iarraidh sinn ort eisimpleirean de dh’obair a rinn thu roimhe a shealltainn dhuinn mus tèid do choimiseanadh.

Dèan cinnteach gun leugh thu an stiùireadh gu h-ìseal gu cùramach mus cuir thu do chuid obrach thugainn. Cha ghabhar ri obair sam bith airson foillseachadh nach eil a’ leantainn an stiùiridh seo.

A’ CUR OBAIR GU GUTTER

Tha Gutter na iris de sgrìobhadh ùr Albannach agus eadar-nàiseanta. Dà thuras gach bliadhna, bidh sinn a’ gabhail ri bàrdachd, ficsean agus aistean bho sgrìobhadairean ann an Alba agus air feadh an t-saoghail.

Tha sinn a’ sireadh obair a bheir dùbhlan don status quo, a bheir sealladh gu tur ùr air, no a chuidicheas ann a bhith ga lagachadh; obair a lorgas dòighean ùra air cruth agus feumalachd a làimhseachadh; obair a tha àraid agus bòidheach. Tha sinn a’ creidsinn gun tèid sàr sgrìobhadh thar chrìochan, agus tha sinn a’ diùltadh sgaradh sam bith a dhèanamh eadar sgrìobhadh litreachail is genre, no eadar cultar àrd-nòsach is poballach.

Gheibh com-pàirtichean soirbheachail suim stèidhichte de £30 airson obair foillsichte san iris, ge be dè an fhaide no an stoidhle. A bharrachd air sin, gheibh ùghdaran foillsichte lethbhreac an-asgaidh dhen àireimh.

Tha Gutter air a ruith le sgioba beag agus bidh tòrr mòr dhaoine a’ cur obair thugainn. Tha sinn ag amas air a h-uile duine a fhreagairt, ach mura cluinn thu bhuainn taobh a-staigh de cheithir mìosan, faodaidh tu am pìos obrach a chur a-steach gu foillseachadh eile.

STIÙIREADH

  • Faodaidh suas ri trì dàin a bhith air an cur thugainn aig an aon àm, agus cha bu còir barrachd air 100 loidhne a bhith ann uile gu lèir. Dèan cinnteach gum bi a h-uile dàn anns an aon sgrìobhainn teacsa.

  • Faodaidh suas ri 2500 facal a bhith ann am pìos ficsein no aiste. Feuch nach cuir thu barrachd air aon eisimpleir de rosg thugainn airson gach àireamh dhen iris.

  • Bu chòir obair a chur thugainn mar fhaidhle .docx no .rtf.

  • Cuir a-steach do chuid obrach le ainm mar a leanas air an fhaidhle: ciadainm_cinneadh_fiction, ciadainm_cinneadh_essay no ciadainm_cinneadh_poetry. Mura h-eil am faidhle air ainmeachadh gu ceart cha choilean e na riatanasan airson obair ùr agus ’s dòcha nach tèid a leughadh.

  • Taidhp d’ ainm agus an cruth (Ficsean, Aiste no Bàrdachd) air a’ chiad taobh-dhuilleig dhen phìos obrach a tha thu a’ cur a-steach.

  • Chan fhaod an obair agad a bhith air a foillseachadh roimhe ann an clò no air-loidhne.

  • Cha bhi sinn a’ gabhail ri obair sam bith a tha air a cur gu irisean eile aig an aon àm.

Bu chòir obair ùr a chur thugainn tro ar portal air-loidhne.